2º Concurso de redacción xornalística

 

2º Concurso de redacción xornalística

A revista National Geographic España e RBA Libros anuncian a segunda edición do Concurso de Redacción Xornalística en que mozas/os de entre 14 e 18 anos deberán escribir un editorial xornalístico expoñendo os retos aos que se enfrontan os océanos e expoñendo solucións. 

Coincidindo co inicio da Década das Ciencias Oceánicas para o Desenvolvemento Sostible 2021-2030, proclamada pola ONU, chaman a estudantes de 3º e 4º de ESO e 1º e 2º de Bacharelato matriculados en calquera centro do territorio español a escribir de forma individual un editorial entre 400 e 500 palabras que reflicta a importancia dos océanos na nosa vida e inspire á conservación do maior ecosistema do planeta.

 

É importante que se sigan as normas dos editoriais e por tanto escribir un texto argumentativo baseado en feitos, que analice os retos aos que se enfrontan os océanos e propoña solucións. 

O concurso terá dúas categorías: Explorador 1 e Explorador 2, segundo o curso en que estean matriculados os estudantes. 

O prazo para presentar os traballos estará aberto ata o 3 de maio de 2021. O fallo do xurado darase a coñecer o 8 de xuño de 2021, Día Mundial dos Océanos. 

Premios

● O 1º premio das dúas categorías incluirá a publicación do traballo gañador na revista impresa, unha subscrición anual á revista National Geographic España e un lote de libros de RBA. 

● O 2º e 3º premio das dúas categorías publicaranse na web da revista National Geographic España e recibirán tamén unha subscrición anual á revista National Geographic España e un lote de libros de RBA.

Para máis información copia esta ligazón: 

https://www.nationalgeographic.com.es/mundo-ng/2-concurso-redaccion-periodistica -para-jovenes-oceanos_16316

ANÍMATE!